أهذي حروف الشّعر من ضيقة صّدري

أهذي حروف الشّعر من ضيقة صّدري
ياسائِلـي لاتلمْنـي حـيـن مانْثـرْهـا
نزْفي من اقصى الضّمير بنايف القدْري
اللّـي بعيـدٍ علـيّ امْسـك ظفايرْهـا
ياويلي انْ كـان هـذا حظّـي وقـدْري
عزّ الله اني بدنيـا الحـزن اعاصرْهـا
إي والله انـي بليّـاه أنْهـل الـكـدْري
وكْسـوري ابْـدا تعدّلْـهـا جبايـرْهـا
هيهـات هيهـات يالمفـرود يالنّـدْري
لو ترحـم الحـال وتْسكّـن عبايرْهـا
وتْبـلّ رقٍ نشـفْ وتوجّـه السّـدْري
اللـي بتوهاتـه بـدونـك يـداورْهـا
ياصاحبي ماسِـواك ومُنْـزِلْ القـدْري
حلّ بخفوقي وروحي صـار يجْبرْهـا
تعيشك وترسمـكْ فـي دنْيتـه بـدْري
وتْقـول ماغيـرك السّرْمـد ينـوّرهـا
تعال مغليك مـن دونـك هـذا مـدري
وش لون حاله بـلاك ومـن يعمّرْهـا؟
واعْلم تـرى العالـي بليـاك للحـدري
واقْرب وفي قربـك الرفْعـه يسايرْهـا