((الجزء الأول)) من باص علي موسى لنقل المعلمات ..

'في الجزء هذا علي موسى راح يعتمر فيهم احم احم..



من علي الى عموم المشاركين معنا بحملة ابو دعاء للحج ..



اليكم أرقام الجلوس ..





الاستاذه سر العشق .. وزوجها أبو كشه ومغرور.. كراسي رقم 1و2
الاستاذه ورده محمديه .. وزوجها محمد علي .. كراسي رقم 3و4
الاستاذه malak7 .. وزوجها الوله .. كراسي رقم 5و6
الاستاذه شوق الغلا .. وزوجها الولد الشرير .. كراسي 7و8
الاستاذه الجوري.. وصديقتها روح المشاعر .. كراسي 9و10


طبعاً العفش كله فوووووق التندهـ .. وإذا ربطنا العفش ترى ماراح ننزلهـ الا بالميقاااااات ..



*****



اقول لو سمحتي ياإستاذه ورده محمديه
قولي لزوجك هالرومانسي ترانا رايحين للحج مارحنا نتمشى بماليزيا ..
خليه يلبس ثوب وشماغ .. ويفصخ هالجنز .. طالع كأنه بعرصي طايح بحبر ..
وبعدين وش قاعد يسوي هنااك .. وراه مايجي يركب العفش معنا ..
مايبي بعد نشيله ونحطه بكرسيه ..





*****



يابن الحلاال تراك ابلشتنا ياثور انت وخشك ..
لاتلعب بالنور تولع وتطفي تراك قضيت البطارية



ياإستاذه سر العشق فكينا من رجلك هالشريطي ..
من وقفنا وهو ماغير ينقم فصفص ويدور على السيارة ويضرب بالكبوت وبالبيبان ..
ويقولي كم سيمت .. وهي للبيع والا لا ..
زاد من يوم شفته داعس عفشه بتلبيسة مرتبة ورابطه بحزام أمان مقطوع
وأنا غاسل ايديني منه ..
لايحسبنا نبي نعتمر بمعارض السيارات ..
خليه يرفع عفشه يالله نبي نربط العفش ..

..





*****





ياإستاذه malak7
روحي طلعي رجلك من البقالة ..
ياويلي أبلش راعي البقالة يبي يشوف رخصة المحل .. وليه هالبسكوت منتهية صلاحيته ..
يحسب مافيه الا هو مراقب بالبلديه ..
وآخر شي طلع بكيلوا موز ببلااااش .. والله حرااااام ..

ومن وقفنا وهو .. يناظر بهالبيوت ..
هذا باني ملحق بالسطح .. وهذا فاتح دريشة على الجيران ..
ويوم ربطنا العفش يقول لازم تفكونه وتعدلونه .. لأنه طالع على الشارع ..
ترى والله ان ما أسكت اني لاأربطه مع العفش ..




*****



عااشت أيامك ياإستاذه شوق الغلا
ماشاء الله عليتس منظمه حتى بالسفر ..
من هاللحين ملبسة رجلك الإحرام .. ياإنه هدر .. والا إنه منظم مثلك ..

بس والله ياهوا رهيب رجلك صاير كأنه رجل آلي ..
إذا صار يمشي وبغي يلف لازم يوقف بعدين يلف .. ماشاء الله كل هذا نظام ..
وبعدين ليه كل ماقلنا له كل معنا قعد يناظر الساعة وقال باقي على وقت الأكل ساعة ونص .. خليه ياكل معنا اتركي النظام بهالسفرة ..
زااد اشوفه عصل صاير كأنه شفااااااااااط .. من قل الأكل ياويلي ..





*****




وش يسوي هذا .. ماشاء الله يوزع سيديات ..
محمد علي زوج الإستاذه ورده محمديه .. نبي نخليه المؤذن حق الحملة والإمام بعد ..
أنا من يوم شفت الشنطه حقت اليحيى للحج والعمرة ..
وساعة العصر والجوال مايسكت من الرسايل من الشباب وأنا عارف انه ملتزم ..
اقول يالبي الوله تراك انت اللي تبي تمسك الشئون الدينيه والثقافية بالبااااااص ..
نبي إنشاء الله مسابقات وجوائز .. نبي نفله ..




*****





يالله ياجمااااااااااعة توكلوا على الله .. يالله مشينا ..


سبحان الذي سخر لنا هذا وماكنا له مقرنيين وإنا الى ربنا لمنقلبون ..
اللهم إنا نسألك في سفرنا هذا .. البر والتقوى .. ومن العمل ماترضى ..
اللهم هون علينا سفرنا هذا .. وإطوي عنا بعده .. اللهl انت الصاحب في السفر والخليفة في الأهل ..
اللهم إنا نعوذ بك من وعثاء السفر وكآبة المنظر وسوء المنقلب .. في المال والأهل والولد ..




يالله بسم الله اركبوا ..



وترقبوا الجزء الثاني ..
حملة ابو دعاء في الطريق الى مكة